مش عايز أقول غير انا اسف
اسف انى من غير قصد جرحتك
وأنى بكلمة بسيطة منى دبحتك
ولو يرجع بيا الزمان للحظة واحدة
مهما حصل مش هاقدر اضيع قلبك
حاسس بجرحك حتى و أنتى بعيدة
وعارف قد ايه انتى وحيدة
وعارف أن كل ده بسبب غلطة واحدة
بسبب لحظة غضب خسرت فيها أغلى حبيبة
وادى عمرى بيعدى.وأنا لوحدى..حسيت بغلطتى يا أغلى الناس
وادى حياتى من غيرك..مفيش غيرك..زنزانة وواقف عليها حراس
وادى قلبى اهو عايش..ومش عايش..وازاى يعيش من غير احساس
تايه ومتغرب..ومستغرب..ازاى قولتلك ابعدى عنى وخلاص
مش عايز أقول غير أنا اسف
وادينى واقف قدامك بعد ماعدت سنين
ساكتة ومجروحة والدموع فى العين
سكوتك ده حنين ولا خوف
ولا عتاب..ولا أنين
ليه مش بتكلمينى وباعدة عينك عنى
مستكترة عليا حتى كلمة واحدة هتطمنى
حتى لو كانت فيها جرح موت
قوليها مش هاتكلم..خدى حقك منى
وادى عمرى بيعدى.وأنا لوحدى..حسيت بغلطتى يا أغلى الناس
وادى حياتى من غيرك..مفيش غيرك..زنزانة وواقف عليها حراس
وادى قلبى اهو عايش..ومش عايش..وازاى يعيش من غير احساس
تايه ومتغرب..ومستغرب..ازاى قولتلك ابعدى عنى وخلاص
قالتلى أنت كنت ليا أغلى حبيب
وماحدش ليا كان أكتر منك قريب
الجرح كان هيبقى عليا أهون بكتير
لو كان جالى من واحد غريب
قولتلها انا اسف..صدقينى
مش عايز حاجة غير أنك تسامحينى
عارف أنى غلطت وندمان يا عمرى
جرحتك وأنا عارف قد ايه انتى بتحبينى
قالتلى انا حاسة باللى جواك
اكتر من نفسك انا عارفاك
بس صدقنى.غصب عنك وعنى
مش هقدر أقول أنى مسامحاك
ازاى أسامح انسان..فى كل مكان..لو بعيد عايش معايا
ازاى وانا فى عمرى كله.ما زعلت منه..وازاى ازعل من نبضى جوايا
قالتلى انا ليك..وعايشة فيك..مهما أنت قلت مش هتقدر تنسى هوايا
انا مستنياك من زمان..حتى لو غلطان.عارفة أنك ندمان وراجع ليا
_________________
I WAS WAITING FOR SO LONG FOR A MIRACLE TO
COME EVERY ONE TOLD ME TO BE STRONG HOLD ON AND DO NOT SHED A TEAR
موضوع: اسف جدا على اخطائى 
الإثنين مايو 26, 2008 4:50 pm
